عدم إهدار الطعام عى مستوى المجتمع

هدفنا الأساسي من برامج التوعية، توعية الفرد و المؤسسة بكمية الطعام التي يتم إهدارها يومياً سواء من المنازل أو من الحفلات في الفنادق أو المطاعم الكبيرة، و التي يمكن أن يستفيد منها عدد كبير من الفقراء تحت خط الفقر و الذين يعانون من الجوع.
 

برامج التوعية للفنادق و المطاعم و الكافيهات:
قمنا بعمل بروتوكولات التعاون مع الفنادق و الكافيهات لعدم إهدار الفائض من الطعام  لديهم بشكل يومي و توجيهه لأقرب منطقة في محيطهم كجزء من المسئولية الإجتماعية لهم في هذه المنطقة .
و بالتالي يتم تجميع فائض الحفلات في البوفيه و الذي "لم يمس"، و توزيعه بطريقة منظمة في أطباق فويل ، و من ثم يتم توزيعه على أقرب منطقة بها محتاجين 
 
برامج توعية الأفراد:
عمل حملات لتوعية أفراد المجتمع بعدم إلقاء الطعام الصالح السليم الفائض للقمامات وتوزيعها على المحتاجين المجاورين للمنقطة ليستفيدو منها.
 

نصائح للحد من إهدار الطعام

في البيت:

-أظبط حرارة الثلاجة بين 1 و 5 درجات عشان تحافظ علي الأكل بشكل صحي

-خلَي أكلك القديم في مقدمة الثلاجة عشان تفتكر تاكله قبل ما يبوظ و ماتطرش ترميه.

-ركز مع المنتجات اللي مش بتستهلكها عشان ما تكررش شرائها.

-عيد طهي الطعام بشكل مختلف أو اديه لحد محتاج أول بأول.

-طبًق طرق التخزين الصحية للخضروات و الفاكهة زي المخلل و المربي

 

في السوبر ماركت:

-إشتري علي قد احتياجك.

-بلاش تنقي كل الفاكهة و الخضروات حسب شكلها طالما مش تالفة, لأن في الأخر المنتجات اللي ماحدش بيشتريها بتبوظ و تترمي.

-إكتب قائمة بالمنتجات اللي عايز تشتريها عشان في حاجات بنجيبها و احنا مش محتاجينها.

-يفضَل تزور السوبر ماركت أسبوعيا لأن التسوق الشهري بيهدر منتجات كتير جدا.

-مش كل حاجة عليها عرض خاص تشتريها, لو مش محتاجها تبقي ما وفرتش حاجة.

-تأكد من صلاحية المنتجات عشان في أطعمة بنشتريها و نرميها علي طول بسبب الصلاحية.

 

في المطاعم  و الكافيهات:

-و إنت خارج, ممكن تشارك صديق في وجبة لو مش جعان قوي

-لو إتبقي اكل في طبقك اطلب انه يتغلف و خذه معاك,أكيد هتستفيد بيه او ممكن تديه لحد محتاجه.

-لو جعان أطلب أكل بالتدريج. ساعات الجوع بيخلينا نطلب أكل كتير متوقعين اننا هنخلصه لكن ده غالبا مابيحصلش

 

في الزيارات و المناسبات الخاصة:

-مش لازم في الزيارات كل الناس تشتري حلويلت، ممكن تشتري حاجات مختلفة تفيد العائلة أو أطعمة لها صلاحية أطول
 

-لو عازم ناس إعمل تقدير كويس للعدد و بلاش كل الفائض من الأكل يفضل في ثلاجتك بالأيام


في الفنادق:

-و أنت في فرح او بوفيه مفتوح, روح البوفيه كذا مره أحسن ما تحط الأكل كله مره واحدة. الأكل المتبقي في البوفيه بيتوزع لكن المتبقي في طبقك بيترمي.

-لو إنت صاحب الإحتفال، ماتزودش كتير في عدد الأصناف خلي الكمية منطقية

شركاؤنا